DEN SVARTE ENGELEN
Det har også tidlegare vore festleg aktivitet på garden.
I tida etter krigen gjekk mangt eit lystig hageselskap føre
seg i den lune og møysommeleg opparbeide hagen. Mellom rosebedd
og skulpturar hadde Kristian Solheim laga to danseplattingar.
På den eine av desse var ein skulptur av Amor med spent boge
plassert som eit naturleg midtpunkt. Amor hadde den same
mørkegrøne fargesjatteringa som dei andre skulpturane Solheim
hadde laga til hagen. Dette gav i visse krinsar næring til tvilsame
rykte, der engelen var svart og aktivitetane på hagefestane på
Friestad tilsvarande.
Det er lite att av hageanlegget i dag, men Amor lever vidare i
logoen vår.